Transcription
1
Monseigneur, je vous ay fait antandre ses jours passés
2
tout au long come pouvoyt aller toute la depansse que
3
que journellement fait monsieur de Laval en ceste
4
ville et principalement icelle quil a fait en habis;
5
si esse que depuis j’ay prins anvye de conpter par
6
le menu combien se pouvoyt monter icelle
7
touchant la norriture de six persones et quatre chevaulx
8
que mondict sieur de Laval a journellemant, jay
9
trouvé que depuis le septiesme de septembre jusques au
10
quatorziesme de novambre la depanse cest monté
11
pour jour y comprenant le louage du logis
12
quatre livres dix sous dont je me suis panssé
13
vous en faire ung petit mot pour tousiours
14
Monseigneur vous tenyr aduerty de tout ce qui se
15
passe. Bien est vray que depuis nous nous sommes
16
chargés, par ladvis de monsieur de Veynes, dung charretyer
17
plus pratique à suivre une court que celuy
18
que nous avons amené du Daulphiné, duquel
19
menoyre nous ne aurons de nous servyr de
20
garson destable come est dopinion mondit sieur de
21
Veynes. Nous somes après à Recouvrer quelque charrete
22
et quelque bon cheval pour la tyré. Je croys que
23
demain le roy sen partira et que messieurs de Veynes
24
et de Laval sen partiront pour aller avec Monseigneur
25
le mareschal de Monmorancy. Que sera landroyt après
26
vous avoir beysé très humblemant les mains, je prieray le
27
Createur
28
Monseigneur vous donner en parfaite santté longue et heureuse vie.
29
De Paris ce 18 novembre 1572. Votre très humble et hobeyssant
30
serviteur
31
A de Chapponay
32